Welvaaert - Die woordeboek sê ''voorspoed en rykdom, ryklik, volop, menigte, volheid, weligheid, waar die hart van vol is'' - maar basies is welvaart hoe ons konnekteer met ons Bronenergie, die Bron van die Heelal ... sonder om één te wees met die Bronenergie van Voorsiening en die Heelal is daar nie welvaart nie.
Ons moet mens ''wees'' en nie mens ''doen'' nie - deur mens te ''wees'' bedoel dit om gelukkig te voel en jou lewe te geniet en in die huidige oomblik te leef - ''wees'' is om in 'n stemming van ''ontvangs'' te wees - wéét wat jou droom is en wat jy wil hê en moenie konsentreer op dit wat jy nié wil hê nie.
LIEFDE is die spilpunt waarom die Heelal draai. Daar word gesê dat jy nie kan liefhê voordat jy jouself waarlik lief het nie. Self-sorg, fisies en geestelik, is die absolute fondasie vir enige suksesvolle en oorvloedige lewensstyl - vanuit 'n geheel en al fisiese aspek, hoe beter jy jouself versorg, hoe meer energie het jy vir die lewe en almal om jou.
DANKBAARHEID is een van die grootste elemente van oorvloed en deur te sê, ''Dankie vir dié wonderlike dag wat voorlê'' begin jy jou dag met voorneme en doelbewustheid. Daardeur kom vrede en doelgerigtheid en 'n verbinding, 'n koppeling met jou Bronenergie.
::
