Die mag van woorde

Ons onderskat soms geweldig die mag van woorde en positiewe en vriendelike woorde aan iemand kan wondere verrig om daardie persoon se dag op te kikker. En ook, sonder om te dink, kan ons iemand seer maak of verpletter of kan iemand ons baie gou ongelukkig maak.

Ons woorde het ook 'n groot invloed op hoe mense ons waarneem - vriendelik, bitsig, katterig, liefdevol, neerslagtig, opgewonde, negatief of positief.

Twee van die 4 riglyne vir oorvloed in jou lewe is,

- Moenie dinge persoonlik opneem nie. 
- Moenie veronderstellings maak nie.

Baie mense maak die fout om alles wat ander mense sê persoonlik op te neem, so asof daardie woorde wat die persoon sê alleenlik op hulle gemik is - Partymaal kan dit dalk so wees, maar maak dit saak?

Enige iets slegs wat uitgespreek word kom vanaf diep in 'n plek binne daardie persoon wat eintlik niks met jou te doen het nie - dis hulle seer of woede of teleurstelling of haat wat uiting soek. En dan neem jy dit persoonlik op en raak self negatief en ongelukkig.

Die tweede fout wat mense maak is om veronderstellings te maak oor wat ander mense sê of doen - dit veroorsaak soms dat 'n misverstand ontstaan omdat ons nie bewus is van al die feite agter die daad of opmerking nie. Alles gaan nie net oor jou nie - dit is baie raar dat iemand se aksies of woorde spesifiek op jou toegespits is.

Maar geeneen sal ooit 'n ander seermaak as hulle gekonnekteer is met die Bron van alles nie, want wanneer jy een is met die Oorsprong van alles, voel jy nie onseker of onveilig nie. En wanneer jy nie onseker voel nie, is dit nie nodig om iets te doen aan iemand vir wie jy bang is nie, want jy is nie bang nie. Jy verstaan dat Welwillendheid joune is.

.

Die Genesing van ons Aarde

Die wet van aantrekkingskrag stipuleer dat jou gedagtes (tesame met jou gevoelens en oortuigingssisteem) jou realiteit na jou aantrek soos 'n kragtige magneet. Dit is nie altyd onmiddelik duidelik of waarneembaar nie, want dit neem 'n rukkie vir jou gedagtes om in die fisiese realm te manifesteer. Daar is 'n buffer van tyd. So dit is duidelik dat, as waaraan jy dink of wat jy doen, jou laat sleg voel, dit belangrik is dat jy jou gedagtes moet verander na iets meer aangenaam. Dankbaarheid vir dít wat jy reeds het sal help om meer aan te trek van dit wat jy wil hê.

Dieselfde is waar as dit kom by die Genesing van ons Aarde. Ons moet fokus op dít wat ons wil hê en nie op wat ons nie wil hê nie. Byvoorbeeld, in plaas van om aandag te gee aan nuus soos oorlog en aardse destruksie, moet ons meer visualiseer dat ons aarde 'n vreedsame plek is, gereinig en genees en ongebroke.

.

Gee om vir jouself

Gee genoeg vir jouself om, om mooi te luister na wat jy vir jouself sê.

::

HOE SKEP JY 'N GEESTESTOESTAND VAN OORVLOED?

Jy skenk en gee weg wat jy het.

Dis nie eintlik so ingewikkeld nie.

Maar dink nou net vir 'n oomblik; wat doen meeste mense?

Wanneer iemand 'n fantastiese idee het, klou hulle daaraan. Hulle gee dit nie weg nie. Hulle koester en beskerm dit. Hulle hou dit vir hulself uit vrees dat iemand anders dit dalk sal wegneem. "Ek beter hierdie idee vir later bêre." Hulle deel of gee nie hulle ides weg nie - hulle hou dit.

Laat ons nou dink waarom jy dit sou doen.

Die probleem is nie dat jou idees te fantasties is of nie goed genoeg is nie, hulle is. Die probleem lê by jou denke. Jy dink dat, as jy een idee weggee of deel, dat jy nooit weer enige idees gaan kry nie. En daardie vrees laat jou lewe in die moeras van ontbering.

Instede, begin deur te gee wat jy het.

Kom Ons Kyk Na Bloggers

Hoekom faal soveel bloggers aanlyn? Hulle faal nie oor hulle slegte skrywers is nie (alhoewel daar wel van hulle is!). Hulle faal nie oor hulle nie iets waardevols het om te deel nie; almal het iets waardevols om te sê - hulle faal omdat hulle ophou om hulle inligting en idees met andere te deel.

Om 'n geestestoestand van oorvloed te skep, moet jy gewillig wees om te gee. Hoe meer jy gee, hoe meer ontvang jy terug.

Dieselfde is op toepassing van geld.

Is Jy Meneer El-Cheap-O?

Miskien is jy een van daardie mense wat aan elke pennie klou - spaar-vir-'n-reënerige-dag

tipe van denkwyse. Ek weet, want ek was eens op 'n tyd so. Miskien is jy waarlik suinig met jou geld of, wat ek noem, 'n 'Scrooge' of 'El-Cheap-O'.

Daar's niks mee verkeerd om spaarsaam te wees nie. Wat ek van praat is heeltemal anders. Ek praat van die suinige, vrekkige mense - mense wat uit vrees

nie hul geld wil spandeer nie. Vrees dat daar nie meer is of sal wees nie.

Onthou net dat, deur aan jou geld vas te klou, definitief nee meer gaan bring nie. Inteendeel, die veroorsaak die teenoorgestelde. Om aan jou geld te klou met vrees is bewys dat jy glo dat daar nie genoeg is vir almal nie. En wanneer jy dink daar is nie genoeg nie, dan projekteer jy 'n on-oorvloedige geestestoestand. Daai geestestoestand is in vrees gesetel.

Het Jy 'n Tekort Aan Tyd?

Party mense het altyd 'n tekort aan tyd - asof dit geld of 'n kommoditeit is. Hulle is altyd paniekerig om dinge klaar te kry. Hulle is tyd-vampiere. Hulle verorber letterlik hulle tyd en suig die lewe uit hulself - totdat daar geen tyd oor is nie.

Hierdie tyd-vampiere leef in 'n tekort-geestestoestand. Hulle mors nie tyd nie, want hulle dink daar is nie genoeg tyd om te mors nie. En weereens is jy dink daar is nie genoeg nie, dan lewe jy in vrees.

Die manier hoe enigiets doen is die manier waarop jy alles doen. As daar tekort in een area is, dan is daar 'n tekort in alle aspekte van jou lewe. Dit kom op jou geestestoestand neer.

So, hoe breek jy die patroon?

Jy moet gewillig wees om te gee vanwaar jy nou is.

Gee wat jy het, want skenking dui op "daar is genoeg". Dit dui op oorvloed. Deur met oorgawe te skenk, stuur dit 'n sein na andere (en jouself) dat daar meer as genoeg is vir almal.

"Jy ontvang deur dieselfde venster waardeur jy skenk. Die manier om vrylik

te ontvang is om vrylik te gee. Kwaliteit is meer belangrik as kwantiteit,

aangesien die Heelal voorsien deur intensie. Begin om te gee, and laat

God jou gawes seën."

- Brad Jensen

Hier is 6 voorbeeld van hoe om te geen en 'n geestestoestand van oorvloed te skep:

Tekort aan Tyd?

Indien wel, gee van jou tyd weg. Neem tyd om aan andere te gee. Jy hoef nie 90% van jou tyd aan andere te spandeer nie - vind net 'n balans tussen gawe en ontvangs. Jy ken die gesegde: "Hoe meer jy doen, hoe meer kan jy doen."

Tekort aan Liefde?

Jy moet eers liefde gee voor jy dit kan ontvang. Gee iemand 'n drukkie - ek waarborg jy sal soos miljoen dollars voel. Hoekom? Omdat jy dan liefde terug ontvang. En jy kan alleenlik liefde ontvang as jy iemand anders liefde bewys. Gaan sommer nou en gee 5 mense 'n drukkie!

Tekort aan Geld?

Gee geld weg. Ja, jy't my reg gehoor. Ek sê nie jy moet die plaas verkoop nie, gladnie. Maar jy kan dalk daaroor dink om geld te skenk aan 'n welsynsvereeniging, of aan 'n vriend in nood, of selfs aan 'n bedelaar in die straat. Skenkers vind baat.

Voel Jy Vasgevang?

Wil jy vry voel? Help ander mense eers. Dink aan iemand wat jy ken wat 'n soortgelyke probleem het. En dink aan 'n manier waarop jy kan help gebaseer op jou kennis. Skryf neer wat jy beplan om te doen om die persoon te help en doen dit dan. Ek verseker jou dit werk! Wanneer jy heelhartig iemand anders help sal hulp altyd na jou terug kom.

Tekort aan Selfvertroue?

Ja, jy's reg. Jy moet dit weggee! As jy 'n tekort aan selfvertroue het, gee dit dan aan iemand anders. Wat bedoel ek? Vind iemand wat jy weet wat min selfvertroue het en wys hulle dat jy in hulle glo. Vertel hulle dat jy in hulle vertrou. Vertel hulle hoe suksesvol hulle is. Dat jy altyd geweet het hulle het dit in hulle. Vertel hulle hoe trots jy op hulle is. Deur andere te besiel met selfvertroue sal selfvertroue en oorvloed na jou vloei.

Tekort aan Idees?

Hierdie is my gunsteling! As jy 'n tekort het aan kreatiewe idees, gee hulle weg! Gee andere kreatiewe idees omtrent hoe om hulle besigheid te verbeter, hoe om 'n opwindende nuwe loopbaan te vind of hulle gesondheid te verbeter. En jy sal vind dat jou gedagtes gevul word met nuwe idees vir jouself.

Nou moet jy begin van waar jy nou is. Jy kannie gee wat jy nie het nie. Wees gewillig om te gee wat jy wel het, waar jy nou is, en binnekort sal oorvloed jou lewe, en dié van ons Moeder Aarde, binne vloei.

.

Seëninge sit in rye op die Eskomdrade...

Seëninge sit in rye op die Eskomdrade...

Tel jou seëninge elke dag en jy sal sien hoe hulle vermeerder.

.