Voed jou menswees

Moenie toelaat dat vrees en onsekerheid langer jou selfvertroue en lewensvreugde steel nie.

Die meeste van ons het af en toe sulke dae. Dit is meer as net ’n slegte haardag of ’n ek-voel-so-bietjie-af dag. Dit is die dae waarop selfs jou mooiste kapsel en daardie paar nuwe skoene jou nie kan red nie. Want die vrees en onsekerheid hier diep binne jou kan jy ongelukkig nie altyd met ’n goed versorgde uiterlike wegtoor nie.

Vir ander mag dit dalk lyk asof jy alles agtermekaar het. Maar hier binne jou het jy die sinkende gevoel dat jy een van die dae uitgevang gaan word. Dat almal gaan besef jy is NIE so wonderlik nie. Die Engelse noem hierdie selftwyfel insecurity. En of jy nou in Engels of Afrikaans onseker voel, die feit bly dat vrees en onsekerheid jou terughou.

Jy gaan net waag om die dinge te doen waarmee jy gemaklik voel en jou reeds bewys het. En so kan wonderlike geleenthede vir groei by jou verby gaan. Of dalk het jy self en ander nog nooit ontdek wie jy werklik is nie. Omdat jy heeltyd wegkruip agter ’n masker – te bang dat jou ware self nie goed genoeg is nie.

Onsekerheid en ’n swak selfbeeld is soos wortels wat dieselfde boom voed. Agter elke onsekerheid lê die idee dat ons op een of ander manier beter of anders moet wees sodat ons aanvaarbaar of suksesvol kan wees.

Ons vergelyk onsself gedurig met filmsterre, modelle, vriendinne, kollegas en ander vroue en vra: Is sy mooier, maerder, meer suksesvol as ek? En dan kry ons meer as genoeg redes om nie van onsself te hou nie.

Maak ’n plan Baie vroue sien hulself in ’n ongunstige lig omdat hulle glo dat hulle ‘te vet’, ‘te flabby’, ‘te oud’ ensovoorts is. Ongelukkig ondersteun extreme makeover-programme die idee dat as jy nie van iets rondom jouself hou nie, jy dit kan regstel met plastiese chirurgie. As jy donderduie het, kan jy byvoorbeeld vir liposuksie gaan. Dit gaan jou miskien tydelik laat beter voel oor jou voorkoms, maar nie jou gevoel van selfwaarde herstel nie.

Ek glo dat ons miskien minder moet konsentreer op eetprogramme wat die kilogramme laat val en eerder meer klem op ’n innerlike program moet lê wat jou 'insecurities' laat wegsmelt.

WEEK 1: Weeg jouself - geestelik
Enige goeie dieetplan begin met ’n weegsessie, sodat jy kan bepaal waar jy op die oomblik is en na watter doelgewig jy graag wil werk. En al is dit hoe onaangenaam om op daardie skaal te klim, moet jy die realiteit in die oë kyk.

Dieselfde geld ook vir ’n innerlike weegsessie. Jy moet identifiseer wat jou onseker laat voel. Is dit jou liggaamsbeeld, jou verhoudings, jou finansiële status, die buurt waarin jy bly of jou werk? Dit kan ook wees dat jy meer onseker voel in sekere mense se geselskap, byvoorbeeld as jy skielik tussen mense met ’n universiteitsgraad beland. Vra jouself af waarom hulle jou so minderwaardig laat voel. 

Kyk ’n slag ... in die spieël en wees baie eerlik oor dit waarvan jy nie hou nie. Maar dit mag nie by die negatiewe bly nie. Maak nou ook ’n lys van die dinge waarvan jy wel hou. Waarop is jy trots? Dalk het jy mooi lang bene of is jy nootvas.

WEEK 2: Maak die beste van wat jy het
Die beste manier om jou selfvertroue ’n hupstoot te gee, is om die positiewe eienskappe wat jy reeds geïdentifiseer het nog meer na vore te bring. Fokus daarop om jou beste fisieke kenmerke te versterk. Jy mag dalk nodig hê om die hulp van ’n voorkomskonsultant hiervoor in te roep. .

 Watter komplimente het jy al gekry? Dalk sê mense jy het ’n mooi glimlag en kan jy daaraan werk om jou glimlag nog meer in te span. Vind meer uit rondom kursusse of klasse wat jou natuurlike talente kan bevorder.

Bly weg van ... enige versoeking om jouself met ander te vergelyk. Dit help nie jy bly vies omdat jy nie kan toneel speel soos jou suster nie, maar intussen kan jy wonderlike disse optower nie. Deur jouself gedurig teenoor iemand anders op te weeg, gaan jy net teleurgestel word. 

WEEK 3: Omhels jou hier-wees
Jy het ’n doel in die lewe en jou lewe het betekenis. Jy is dalk nie ’n groot staatsleier wat miljoene mense se lewens verander nie, maar die feit dat jy hier is, maak ’n verskil in die mense rondom jou se lewe. Al is dit dalk net jou kinders of jou kat – êrens is daar iemand wat jou nodig het en dink jy’s wonderlik. 

Probeer om minder op jouself te konsentreer en vandag op iemand anders se behoeftes te fokus. Voel hoe goed dit jou laat voel om iets vir iemand anders te beteken. Miskien kan jy selfs op ’n meer permanente basis by een of ander uitreik-aksie betrokke raak.

Voed jouself met ... goeie leesstof. Daar is honderde motiverende boeke waarin jy kan lees hoe gewone mense, net soos jy, hul vrees en onsekerheid agtergelaat het om buitengewone goed te doen. Jy kan ook ’n selfbemagtigingswerkswinkel bywoon of maak ’n afspraak met ’n lewensafrigter. Jy het dalk net iemand nodig wat as mentor kan optree sodat jy jou volle potensiaal kan bereik. 

WEEK 4: Fokus op jou suksesse
Die eerste drie dae van ’n dieet gaan dit gewoonlik goed. Maar teen die vierde dag slaan jy ’n laagtepunt en eet sommer twee snye sjokoladekoek. Beteken dit noodwendig die einde van jou dieet? Nee, net as jy dit toelaat.

Moenie dink dat self-twyfel nooit weer deel van jou lewe gaan wees nie. Die eerste keer wanneer daardie stemmetjie sê “jy is nie goed genoeg nie”, beteken dit nie jy moet handdoek ingooi en vir altyd met jou onsekerhede saamleef nie. As weer in onsekerheid gaan verval, wees gewapen met ’n lys van jou suksesse. 

Vervang ongesonde ... vriende wat jou gedurig kritiseer en verkleineer met positiewe mense. ’n Opbouende vriendin is nie noodwendig iemand wat jou net vertel wat jy wil hoor nie. Dit is iemand wat jou ook uitdaag om beter te wees omdat sy in jou glo. .

Volgende keer wanneer jy met natgeswete handpalms wonder of jy goed genoeg is, dink aan Eleanor Roosevelt se woorde:

 “Niemand kan jou minderwaardig laat voel sonder jou toestemming nie.”
- Maree

.

Top 10 Selfversorgingswenke

1. Verander negatiewe gedagtes in positiewe dade.

2. Sê dankie vir alles vir 'n verandering!

3. Doen iets spesiaals vir iemand anders, maar moenie haar daarvan sê nie.

4. Kry genoeg slaap—al is dit 'n middag-slapie!

5. Vergewe iemand. Dit vat gans te veel energie om kwaad te bly!

6. Vergewe jouself want om dit nié te doen nie beskadig jou siel.

7. Vra jouself: "Hoe belangrik is dit regtig?"

8. Onthou, om ander lief te hê bedoel nie jy moet na hulle pype dans nie.

9. Vra jouself: "Wat kan ek doen om iemand anders se dag te maak?"

10. Glimlag!

'n Oorvloed dag vir jou!

.

Brief van 'n leseres

Dis absoluut wonderlik om interaksie met my leseresse te hê. 'n Rukkie terug het ek hierdie e-pos van 'n leseres ontvang : 

Dag Maree 

Ek is beïndruk met jou webwerf. Alles in keurige Afrikaans! Ek vind ook aanklank by wat daar staan. Ek is reeds 9 jaar bewustelik besig om spiritueel te ontwikkel. Ek werk saam met kollegas in trauma genesing wat die eerste stap is om innerlike vrede te vind. Ons leer mense eenvoudige tegnieke in groepe. Ons is nie terapeute nie, maar fasiliteerders. Ek is mal daaroor om mense tegnieke te leer om die innerlike gordyne te verwyder. 

Ek was opsoek na Afrikaans webwerwe wat die dieselfde spirituele taal praat ek. 

Ek lees en hoor van die geworstel van Afrikaners oor wie en wat hulle is. Hul frustrasies en vrese. Die oplossings omhels altyd die tradisionele waar dualiteit seëvier. My intensie (op hierdie oomblik) is om een of nader manier 'n gesprek te voer oor hoe kan ons ons Kollektiewe Wysheid kan gebruik om ons wêreld te verander - in Afrikaans.

Ek woon in die Wes-Kaapse platteland.

groete

mathilda

My antwoord :

Dagsê Mathilda! 

Dit klink soos wonderlike werk wat julle doen! Ek het my webwerf begin 'n paar jaar gelede toe ek self deur iets traumaties gegaan het en gevind het dat daar omtrent GEEN hulp vir vroue in Afrikaans beskikbaar is nie. Deur my eie ondervindings en hoe ek gevind het wat vir my werk, het ek besluit om dit oop te stel aan ander mense wat ook graag genesing wil vind. 

Die frustrasies en vrese van Afrikaners, en veral vroue, neem net 'n bietjie self-ondersoek om te besluit wat vir hulle belangrik is. Vroue stel gewoonlik almal se vereistes altyd voor hul eie, en eindig op om gefrustreerd en minderwaardig te voel, met die geloof dat hulle nie geregtig is op volkome geluk nie. My uitkyk op die lewe is dat self-liefde, sowel as grense wat ons vir onsself stel, 'n belangrike rol speel, en sodra ons dit besef, kry ons al ons eendjies in 'n ry!

Ek woon heel aan die anderkant van die wêreld as jy! In Gauteng - maar deur die internet is niemand te vér van enigiemand nie!

Ek wens jou sukses met jul trauma-genesing-groepe en mag julle van sterkte to sterkte gaan!

Groete

 MAREE

.

Hou jy van jou werk?

As jy jou werk haat en jy voel elke oggend so, dan bied jy weerstand teen werk toe gaan. Dus sal dit moeiliker vir jou wees om promosie of 'n beter werk te kry - waarteen jy weerstand bied, hou aan.

Op een of ander stadium moes jy van jou werk gehou het anders sal jy nie nou daar wees nie. Vind weer jou passie en doen jou werk met volle oortuiging en liefde want daarsonder is jou paadjie nie oop vir iets beters nie.

Amper al die mees suksesvolste miljoenêrs lief die werk wat hulle doen - en in meeste gevalle sal hulle dit doen sonder betaling. So, om waarlik gelukkig en suksesvol te wees, moet jy lief wees vir wat jy doen en getrou aan jouself wees.

Jy het vanoggend wakker geword. Wees dankbaar daarvoor. Is jy gesond? Het jy 'n werk of enige ander manier om inkomste te bewerkstellig? Wees ook daarvoor dankbaar.

Daar is 'n oneindige voorraad Mag rondom jou. Al wat jy moet doen is om te leer hoe om dit te gebruik in elke departement van jou daaglikse lewe. Hierdie Mag is die Lewensenergie van die Heelal, die Fondasie en Toppunt van alle Lewe, die Eerste en mees Verhewe Manifestasie van ons Groot Moeder, Natuur haarself. Dit is dít wat altyd was, is en altyd sal wees, onveranderlik as Fundamentele Mag en tog wisselend in Oneindige manifestasies, Ewiglik deur Tyd en Oneindig deur die Ruimte met die Senter altyd daar waar jy dit kan kontak, onderliggend, deurdringend, oorheersend, aanmoedigend en alomvattend.

Hierdie is JOU lewe! Doen waarvoor jy lief is en doen dit gereeld!

.

Laat die wêreld by jou verbygaan...

Nou die dag sit ek op die stoep, beskou my tuin met al die voëltjies en insekte, net so besig met die lewe as al die motors wat verbygaan, êrens op pad na een of ander bestelling. Binne die huis het dit net so ywerig gegaan, stofsuiers en wasmasjiene wat raas en alles wat moet skoon kom voor die dag verby is.

Hier buite was dit effens toegetrek met 'n ligte en aangename briesie.

Dit gebeur nie sommer dat ons net stilsit en toelaat dat die wêreld om ons verbygaan nie.

Hoekom nie?

Wat is so belangrik wat nie kan wag tot later nie? Hoekom moet die e-Pos onmiddellik beantwoord word? Moet ons rêrig al daardie artikels nou aanlyn lees? Al die boodskappe van andere, al die koerante en tydskrifte? Is dit nodig vir die Internet, televisie en radio om al die tyd aan te wees?

Gaan die lewe ons nie dalk verby wanneer ons ons gedagtes so super-besig hou nie? Ons mis wat in die pragtige wêreld om ons omgaan as ons gedurig oor die toekoms dink—wat ons moet doen, ons bekommernis oor wat dalk in die toekoms kan gebeur—of wat in die verlede gebeur het—wat ons verkeerd gedoen het of wat iemand anders verkeerd gedoen het, wat ons gesê het, of wat moes gebeur het.

Wanneer was die laaste maal dat jy net gesit het, net toegekyk het? Hoekom dit nie vandag doen nie?

.

Gee om vir jouself

Gee genoeg om vir jouself om mooi te luister na wat jy vir jouself sê.

::

Hoe skep jy 'n geestestiestand van oorvloed?

Jy skenk en gee weg wat jy het.

Dis nie eintlik so ingewikkeld nie.

Maar dink nou net vir 'n oomblik; wat doen meeste mense?

Wanneer iemand 'n fantastiese idee het, klou hulle daaraan. Hulle gee dit nie weg nie. Hulle koester en beskerm dit. Hulle hou dit vir hulself uit vrees dat iemand anders dit dalk sal wegneem. "Ek beter hierdie idee vir later bêre." Hulle deel of gee nie hulle ides weg nie - hulle hou dit.

Laat ons nou dink waarom jy dit sou doen.

Die probleem is nie dat jou idees te fantasties is of nie goed genoeg is nie, hulle is. Die probleem lê by jou denke. Jy dink dat, as jy een idee weggee of deel, dat jy nooit weer enige idees gaan kry nie. En daardie vrees laat jou lewe in die moeras van ontbering.

Instede, begin deur te gee wat jy het.

Kom Ons Kyk Na Bloggers

Hoekom faal soveel bloggers aanlyn? Hulle faal nie oor hulle slegte skrywers is nie (alhoewel daar wel van hulle is!). Hulle faal nie oor hulle nie iets waardevols het om te deel nie; almal het iets waardevols om te sê - hulle faal omdat hulle ophou om hulle inligting en idees met andere te deel.

Om 'n geestestoestand van oorvloed te skep, moet jy gewillig wees om te gee. Hoe meer jy gee, hoe meer ontvang jy terug.

Dieselfde is op toepassing van geld.

Is Jy Meneer El-Cheap-O?

Miskien is jy een van daardie mense wat aan elke pennie klou - spaar-vir-'n-reënerige-dag

tipe van denkwyse. Ek weet, want ek was eens op 'n tyd so. Miskien is jy waarlik suinig met jou geld of, wat ek noem, 'n 'Scrooge' of 'El-Cheap-O'.

Daar's niks mee verkeerd om spaarsaam te wees nie. Wat ek van praat is heeltemal anders. Ek praat van die suinige, vrekkige mense - mense wat uit vrees

nie hul geld wil spandeer nie. Vrees dat daar nie meer is of sal wees nie.

Onthou net dat, deur aan jou geld vas te klou, definitief nee meer gaan bring nie. Inteendeel, die veroorsaak die teenoorgestelde. Om aan jou geld te klou met vrees is bewys dat jy glo dat daar nie genoeg is vir almal nie. En wanneer jy dink daar is nie genoeg nie, dan projekteer jy 'n on-oorvloedige geestestoestand. Daai geestestoestand is in vrees gesetel.

Het Jy 'n Tekort Aan Tyd?

Party mense het altyd 'n tekort aan tyd - asof dit geld of 'n kommoditeit is. Hulle is altyd paniekerig om dinge klaar te kry. Hulle is tyd-vampiere. Hulle verorber letterlik hulle tyd en suig die lewe uit hulself - totdat daar geen tyd oor is nie.

Hierdie tyd-vampiere leef in 'n tekort-geestestoestand. Hulle mors nie tyd nie, want hulle dink daar is nie genoeg tyd om te mors nie. En weereens is jy dink daar is nie genoeg nie, dan lewe jy in vrees.

Die manier hoe enigiets doen is die manier waarop jy alles doen. As daar tekort in een area is, dan is daar 'n tekort in alle aspekte van jou lewe. Dit kom op jou geestestoestand neer.

So, hoe breek jy die patroon?

Jy moet gewillig wees om te gee vanwaar jy nou is.

Gee wat jy het, want skenking dui op "daar is genoeg". Dit dui op oorvloed. Deur met oorgawe te skenk, stuur dit 'n sein na andere (en jouself) dat daar meer as genoeg is vir almal.

"Jy ontvang deur dieselfde venster waardeur jy skenk. Die manier om vrylik

te ontvang is om vrylik te gee. Kwaliteit is meer belangrik as kwantiteit,

aangesien die Heelal voorsien deur intensie. Begin om te gee, and laat

God jou gawes seën."

- Brad Jensen

Hier is 6 voorbeeld van hoe om te geen en 'n geestestoestand van oorvloed te skep:

Tekort aan Tyd?

Indien wel, gee van jou tyd weg. Neem tyd om aan andere te gee. Jy hoef nie 90% van jou tyd aan andere te spandeer nie - vind net 'n balans tussen gawe en ontvangs. Jy ken die gesegde: "Hoe meer jy doen, hoe meer kan jy doen."

Tekort aan Liefde?

Jy moet eers liefde gee voor jy dit kan ontvang. Gee iemand 'n drukkie - ek waarborg jy sal soos miljoen dollars voel. Hoekom? Omdat jy dan liefde terug ontvang. En jy kan alleenlik liefde ontvang as jy iemand anders liefde bewys. Gaan sommer nou en gee 5 mense 'n drukkie!

Tekort aan Geld?

Gee geld weg. Ja, jy't my reg gehoor. Ek sê nie jy moet die plaas verkoop nie, gladnie. Maar jy kan dalk daaroor dink om geld te skenk aan 'n welsynsvereeniging, of aan 'n vriend in nood, of selfs aan 'n bedelaar in die straat. Skenkers vind baat.

Voel Jy Vasgevang?

Wil jy vry voel? Help ander mense eers. Dink aan iemand wat jy ken wat 'n soortgelyke probleem het. En dink aan 'n manier waarop jy kan help gebaseer op jou kennis. Skryf neer wat jy beplan om te doen om die persoon te help en doen dit dan. Ek verseker jou dit werk! Wanneer jy heelhartig iemand anders help sal hulp altyd na jou terug kom.

Tekort aan Selfvertroue?

Ja, jy's reg. Jy moet dit weggee! As jy 'n tekort aan selfvertroue het, gee dit dan aan iemand anders. Wat bedoel ek? Vind iemand wat jy weet wat min selfvertroue het en wys hulle dat jy in hulle glo. Vertel hulle dat jy in hulle vertrou. Vertel hulle hoe suksesvol hulle is. Dat jy altyd geweet het hulle het dit in hulle. Vertel hulle hoe trots jy op hulle is. Deur andere te besiel met selfvertroue sal selfvertroue en oorvloed na jou vloei.

Tekort aan Idees?

Hierdie is my gunsteling! As jy 'n tekort het aan kreatiewe idees, gee hulle weg! Gee andere kreatiewe idees omtrent hoe om hulle besigheid te verbeter, hoe om 'n opwindende nuwe loopbaan te vind of hulle gesondheid te verbeter. En jy sal vind dat jou gedagtes gevul word met nuwe idees vir jouself.

Nou moet jy begin van waar jy nou is. Jy kannie gee wat jy nie het nie. Wees gewillig om te gee wat jy wel het, waar jy nou is, en binnekort sal oorvloed jou lewe, en dié van ons Moeder Aarde, binne vloei.

.

Seëninge sit in rye op die Eskomdrade...

Seëninge sit in rye op die Eskomdrade...

Tel jou seëninge elke dag en jy sal sien hoe hulle vermeerder.

.

Uithouvermoë

Daar is geen plaasvervanger vir uithouvermoë nie! Dit kannie vervang word deur enige ander eienskap nie! Onthou dit aan die begin en dit sal jou bystaan wanneer dinge moeilik lyk.

Diegene wat uithouvermoë aangekweek het as 'n gewoonte blyk versekering te hê teen toekomstige mislukkings.

Maak nie saak hoeveel maal hulle verslaan word nie, hulle arriveer altyd bo aan die leer. Partymaal lyk dit of daar 'n versteekte gids is wie se plig dit is om mense deur allerhande ontmoedigende ondervindings te toets. Diegene wat hulself optel en weer probeer bereik hul bestemming; en die wêreld skree "Bravo! Ons het geweet jy kan dit doen!" Die versteekte gids laat geeneen toe om groot prestasie te geniet sonder om die uithouvermoë toets te trotseer nie. Diegene wat dit nie kan doen nie behaal net nie die paal nie...

Diegene wat dit wel kan doen word mildelik beloon vir hul uithouvermoë. Hulle ontvang, as hul vergoeding, watter doel ookal hulle nastreef.

.

Jou nalatenskap

Die herinneringe aan my Pa wat my artikel 'Dankbaarheidslied' meegebring het, het my laat besef dat, al waarby mense jou sal onthou, is jou nalatenskap wat jy agter laat. Jou aksies, die dinge wat jy gedoen en gesê het, die reëls waarvolgens jy geleef het. Almal het hul swakhede en dis die erkenning van daardie swakhede en hoe jy dit hanteer wat op die ou end jou karakter bepaal.

 So vra jouself:

• Het jy die respek van jou gelykes en die admirasie van jou kritikusse verdien?
• Was jy beskeie in die aansig van sukses en grasievol in die gesig van neerslag?
• Het jy jou kinderlike verwondering behou en jou verlustig in die skoonheid van die lewe en die klein wonderwerke van elke dag?

• Sal jy onthou word vir hoeveel jy gelag het en glimlagte na die harte van andere gebring het?
• Was kinders en ou mense bly om saam met jou te wees?
• Het andere jou vertrou met hul innerlike geheime?
• Het jy vergewe en om verskoning gevra?

• Het jy die beste in ander raak gesien en hulle opgebou?
• Het jy 'n honger kind gevoer of 'n naakte man geklee of hulp verleen aan 'n vreemdeling in 'n verknorsing?

• Hoe het jy Moeder Aarde behandel - sal die wêreld 'n beter plek wees deur hoe jy jou lewe gely het?

Watse legaat gaan jy nalaat?

.

Praat vandag

... saggies met jouself... 

::

SELFSORG - VAN 0 TOT 100 (in tien stappe)

Selfs die langste reis begin met die eerste tree. As jy sukkel om daardie eerste stap tot aksie te neem, lees hier ...

Met die somer in volle swaai voel jy dalk ook soos ’n sagtepels diertjie wat uit ’n winterslaap ontwaak het. Nuwe energie en lus vir die lewe wil-wil deur jou are begin bruis. Laat die lentebloeisels en jong, groen blare aan die bome vir jou ’n aansporing wees om self iets gedoen te kry. Dalk is dit ’n ou projek wat jy al sedert die skepping uitstel om te doen of ’n nuwe uitdaging waaroor jy baie onseker voel.

Almal ken die uitdrukking “goed begin is half gewin ...”. Maar dit is juis by die begin waar die knoop lê. Jy weet nie waar en hoe om te begin nie ... Die eetkamermuur wat jy wil verf begin skielik na die muur van China te lyk. Of dalk wéét jy waar om te begin omdat jy dit al tot vervelens toe in jou kop (en op papier) uiteengesit het, maar jy kry jouself net nie so ver om tot aksie oor te gaan nie. Gelukkig is daar raad vir die aksie-benadeeldes, die soutpilare en die uitstellers onder ons ...

Só maak jy ’n begin ...

1. DEEL DIT OP.

Enige taak, maak nie saak hoe groot dit is nie, kan in kleiner, hanteerbare dele opgebreek word. Gestel ek sou jou vra om ’n boek van 300 bladsye te skryf, sal jy waarskynlik voel dit is ’n te groot hap om af te byt. Maar as ek jou sou vra om net een bladsy elke dag vir die volgende jaar te skryf, lyk die taak al makliker. Selfs al begin jy net vandag met die kleinste stukkie van die grootste taak, het jy ten minste al iets gedoen.

2. DOEN, DUMP OF DELEGEER.

Gebruik hierdie beginsel om die lewe vir jouself makliker te maak. Vra jouself eers af of dit iets is wat hoegenaamd gedoen moet word. Indien wel, is jy werklik die regte een om dit te doen? Waarom sal jy self jou belastingvorm invul as ’n belastingkonsultant dit baie vinniger en slimmer kan doen.

3. STEL SPERDATUMS.

As ’n taak klaar in kleiner dele opgedeel is, kan jy jouself motiveer deur sperdatums vir verskillende take op te stel. Maar wees asseblief realisties en nie te hard op jouself nie. Onrealistiese teikens en ’n sersant-majoor-houding gaan net jou moed breek.

4. BELOON JOUSELF.

’n Beloning was nog altyd ’n baie beter wortel-voor-die-neus as straf. In plaas daarvan om te sê “As ek nie teen môre daardie hoofstuk gelees het nie, moet ek by die huis bly as die ander gaan fliek”, sê eerder “As ek daardie hoofstuk klaar gelees het, kan ek gaan fliek”.

5. VERANDER “EK MOET” IN “EK WIL”.

Al ooit agtergekom hoeveel makliker dit is om iets te begin doen waarvan jy hou (soos geskenke toedraai) teenoor iets waarvan jy nie hou nie (soos kaste regpak). Ongelukkig vereis te lewe van ons om soms goed te doen waarvoor ons geen natuurlike aantrekkingskrag het nie. Die geheim is dan om verby die onmiddellike taak te kyk en te fokus op die voordele wat dit vir jou kan inhou as jy dit afhandel. Dink net hoeveel beter jy gaan voel as jy klaar is.

6. BENUT JOU ENERGIE OPTIMAAL.

Van nature is ons geneig om dit waarvan ons hou eerste te doen. Maar doen eerder die ding waarvan jy die minste hou (of wat die moeilikste lyk) wanneer jy die meeste energie het. As jy weet dat jy ’n oggend-mens is, staan vroeg op en handel daardie regpak projek af terwyl jy nog vars en vrolik is.

7. HERDOOP JOUSELF.

Jou reputasie as ’n uitsteller loop jou al vooruit. “Ag nee wat, sy sal dit nooit doen nie,” is wat jou familie gewoonlik sê as hulle van jou planne hoor. En in jou eie gedagtes dink jy aan jouself as “lui, onbetroubaar en ’n mislukking”. Selfs al sien jy dit nog nie in die praktyk nie, moet jy anders oor jouself begin dink en praat. Visualiseer jouself as ’n doener en iemand wat ’n sukses maak van dit wat sy aanpak.

8. HANTEER BLOKKASIES.

Wanneer jy regtig negatief en nie lus voel nie, vra jouself: “Is daar enigiets, maak nie saak hoe klein nie, wat ek bereid is om te doen?” As jy daardie een klein dingetjie gedoen het, voel jy ten minste nie soos ’n totale mislukking nie.

9. VERBIND JOUSELF.

As iemand jou vra wanneer jy met ’n sekere taak gaan begin en jy gee wollerige antwoorde soos “miskien volgende week” moet jy weet dat jy dit waarskynlik nooit gaan doen nie. Kry iemand teenoor wie jy verantwoording kan doen en wat jou kan help om teikens te stel en jou vordering dop te hou. As jy wil begin oefen, vertel soveel mense as moontlik. Want dit gaan baie moeiliker wees om uiteindelik kop uit te trek as tien mense weet wat jy beplan het om te doen.

10. KYK VORENTOE.

Jy kan nie vorentoe ry as jy aanhou terugkyk in jou truspieel nie. Fokus op waarheen jy op pad is, eerder as op waar jy vandaan kom en verbeel jou al hoe goed jy gaan voel wanneer jy slaag.

En as jy eers wil wag vir die weerligstraal om te kom vóór jy wegspring, hou Frank Tibolt se woorde in gedagte:

“Ons behoort geleer te word om nooit vir inspirasie te wag om iets te begin nie. Aksie skep inspirasie.”

En wat is jou verskoning?

Die studeerhoekie is in ’n toestand. Belangrike rekeninge word verlê, daar is geen ruimte om te werk nie en al die opgegaarde tydskrifte is al ’n brandgevaar! “Vandag is die dag waarop ek ’n beter stelsel uitdink en hierdie plek regpak,” sê jy vir jouself. Maar jy doen dit nooit nie. Klink een van die volgende redes wat jy as verskoning aanvoer dalk bekend?

“Ek weet nie waar om te begin nie. Alles voel so oorweldigend.” Jy is waarskynlik hopeloos ongeorganiseerd en het nog nie geleer om ’n groot taak in kleiner, meer beheerbare dele op te breek nie.

“Daar val altyd iets voor. Sodra ek wil begin, het die kinders iets nodig of wil ’n vriendin kom kuier.” Hierdie verduideliking spreek boekdele oor die grense wat jy stel. Ander (jou kinders, man of vriende) se behoeftes kom altyd eerste en daarom sal jy nooit uitkom by dit wat werklik vir jou belangrik is nie.

“Ek is bang ek kry dit nie reg nie.” Jou vrees vir mislukking kan jou soos ’n soutpilaar laat vassteek. Vra jouself af waarom jy nie vertroue in jou eie vermoëns het nie.

“Voor elke element nie presies in plek is nie, kan ek nie begin nie.” Dit is ’n perfeksionis wat hier praat. Wat jy eintlik sê is: “My standaarde is te hoog vir hierdie wêreld.” Dalk is dit tyd om jou standaarde te verlaag sodat jou goeie bedoelings nie net leë woorde bly nie.

“Ek is nie vandag in die bui hiervoor nie.” ’n Bui is nie soos ’n verkoue wat jou skielik oorval nie. Diep binnekant het jy vir jouself gesê jy is nie vandag lus om die studeerhoekie reg te pak nie. Jy behoort in beheer van jou emosies te wees en nie andersom nie!

(Uittreksel uit Finesse Tydskrif)

.

Begin Vandag om 'n opwindende lewe te lei!

Vir diegene van ons wat al oor die 50 trek is daar baie veranderings wat in ons lewens plaasvind. Meestal is al die kinders uit die huis, jy staan up die punt om af te tree, en deesdae beteken aftree iets baie anders as wat ons ouers gedoen het. 'Aftree' beteken nou om heeltemal 'n nuwe, interessante, opwekkende en opwindende lewe te betree – een van bemagtiging en hernuwing. Dis nie vir ons beskore om net op die stoep te sit en koffie drink nie – ONS gaan nuwe uitdagings aanneem en hierdie derde fase van ons lewe omskep in iets wonderliks!

Maar vir baie mense is hul identiteit gekoppel aan wie hulle is in hulle werk - Rekenmeester, Veiligheidswag, Direkteur, Ingenieur of wat ookal. Meeste mense maak voorsiening vir die geldelike kant van aftreding - genoeg om van te lewe, genoeg om 'n bietjie te reis en vir die kinders te kan gaan kuier - maar min mense maak niks of geen voorsiening vir die geestelike sy van aftreding nie. Vir meeste mense kom dit as 'n skok as hulle skielik besef dat hulle nou "niemand" is nie - hulle kan nie meer sê "Hallo, ek is Ben, die Direkteur van XXX Maatskappy" nie, en vir menige mense lei dit tot 'n gevoel van nutteloosheid en asof hulle rigtingloos is, 'n gevoel dat hulle maar net so wel op die stoep kan bly sit.

Maar dit hoef nie so te wees nie. Die wêreld het verander en daar is verskillende keuses beskikbaar vir ons. En die een keuse is om jouself geestelik voor te berei vir 'n lewensstyl wat heeltemal anders is as waaraan jy gewoond is, maar een wat ook wonderlik en bemagtigend gaan wees. En dit beteken ons moet "self-doelgerig" wees.

Self-doelgerigtheid bedoel jy moet diep binne jouself delf om te ontdek wie jy eintlik is, vir dít wat vir jou belangrik is - jou mees geliefde belangstellings en aktiwiteite, jou verhoudings met familie en vriende en doelpunte wat jy nog wil bereik. Sodra jy hierdie dinge kan identifiseer, kan jy waarlik 'n poging aanwend om hierdie belangrike aktiwiteite in jou aftredingsplan in te sluit en as sulks jou eie 'lewensverhaal vir die toekoms' te skryf.

So dit maak nie saak hoe oud jy is nie - jy is gelukkig as jy nou nog 20 jaar oud is, want dit beteken dat jy tyd het - JY KAN VANDAG BEGIN - om 'n lewe vol Oorvloed te skep!

Hierdie is JOU lewe - leef elke dag voluit tot jou laaste!

. 

Die Manifestasie van Vreugde in 2014

Wy jouself daaraan om vreugde te manifesteer in alles wat jy doen in hierdie komende jaar.

Geluk het nie net een definisie nie. Dit is verskillend vir elke individu. En geluk is nie net te vinde in die groot dinge van die lewe nie.

Dit draai nie net om die nuwe motor of die miljoen-rand woning nie. Geluk kan gevind word in 'n oulike grappie wat jou laat lag elke keer as jy daaraan dink. Dit kan gevind word in jou gunsteling rolprent wat jy elke Sondag kyk of 'n wandeling op die strand Dit verbaas jou in die stem van 'n kind wanneer hy of sy jou vertel van hul dag. Geluk is binne jou en al om jou. Jy hoef nie te ver te soek om dit te vind nie.

My wense vir jou 2014 is 'n jaar gevul met VREUGDE, LIEFDE en INSPIRASIE!

Voorspoedige Nuwe Jaar! 

::

Bevry jouself

Partymaal moet jy alles laat gaan - heeltemal skoonmaak en reinig. As jy ongelukkig is met iets - wat ookal dit is wat jou onder kry, raak ontslae daarvan. Want jy sal vind dat, wanneer jy vry is, jou ware kreatiwiteit, jou ware self, na vore sal tree.

Jou filosofie word nie die beste uitgespreek in woorde nie; dit word uitgespreek in die keuses wat jy maak. Oor 'n tydperk skep ons ons lewens en skep ons onself. Die proses eindig nooit nie. En, die keuses wat ons maak is uiteindelik ons eie verantwoordelikheid.

Binne elk van ons is 'n verborge stoor van energie. Energie wat ons kan gebruik om deel te neem aan die maraton van die lewe.

Binne elk van ons is 'n verborge stoor van moed en dapperheid. Dapperheid om ons die moed te gee om enige uitdaging te aanvaar.

Binne elk van ons is 'n verborge stoor van vasberadenheid. Vasberadenheid wat ons sal ondersteun wanneer alles hopeloos lyk.

Selfs die gelukkigste lewe is nie sonder 'n tiksel donkerte nie en die woord 'gelukkig' sal waardeloos wees as dit nie gebalanseer is deur treurigheid nie. Dit is veel beter om dinge te aanvaar soos dit kom met geduld en gelatenheid.

'Verander dit wat jy kan verander, aanvaar dit wat jy nie kan verander nie en verwyder jouself van dit wat onaanvaarbaar is.'
- Maree

.

Jy Hoef Nie slegte Kinderdae-gebeurtenisse te Verwerk Nie

Jy hoef nie terug te gaan om slegte kinderdae-gebeurtenisse te verwerk en uit te sorteer nie, want dit is daardie kinderdae-gebeurtenisse wat 'n vibrasie in jou geskep het wat jy nou nog offer - wat vandag se gebeurtenisse te weeg bring. Jy kan jou vibrasie baie makliker verskuif wanneer jy konsentreer op HUIDIGE gebeurtenisse eerder as om dit te probeer doen deur kinderdae-gebeurtenisse te verwerk. Dis dieselfde vibrasie. Daai vibrasie wat kinderdae-gebeurtenisse geskep het, skep nou vandag se gebeurtenisse.

Verwerk dit in jou huidige NOU.

"Watter gedagte voel beter? Watter gedagte voel beter? Watter gedagte voel beter?"
- Maree

.

Selfsorg en Meditasie

Meditasie kan jou gesondheid verbeter, jou energievlakke verhoog en jou vreugde vir die lewe verhoog.

Hoewel baie mense meditasie vereenselwig met Oosterse gelowe, beoefen amper elke geloof in die wêreld 'n vorm daarvan. In die Christelike geloof is daar selfs teksverse in die Ou Testament wat mense aanmoedig om te mediteer. Meditasie is ook goed vir jou gesondheid.

Meditasie is vir die gees wat asemhaal is vir die liggaam. Dis ‘n doodnatuurlike proses wat ons die ruimte gee waarbinne ons onsself kan wees, waar ons nie verskoning hoef te maak vir onsself nie; nie regverdiging te soek vir onsself nie, waar ons geen ingewikkelde teorie hoef te begryp of geen tegniek hoef te bemeester nie. Ons hoef net te wees en in ons diepste wese te ervaar hoe goed die lewe is, watter ontsaglike waardevolle geskenk dit is. Elke meditasie is ‘n nuwe begin wat ons deur middel van groot eenvoud leer om minder versteurbaar te word, minder afhanklik van eksterne stimuli en goedkeuring vir ‘n gevoel van tevredenheid en balans.

Sonder twyfel sal baie mense baat deur meditasie en deur die tyd te neem om die eenvoudige oefeninge te doen wat gebruik word om die gedagtes te kalmeer, stres te verminder en energievlakke te verhoog.

Daar is geen een-dimensionele woordeboekdefinisie van meditasie nie, en geen metafoor verhelder dit ten volle nie. Maar dit kan vergelyk word met ‘n pêrel van onskatbare waarde; die een ding wat meer “nodig” (essensieel) as alle ander dinge is.

Ongeag wat ons beskouing is oor wat die essensie of doel van die lewe is, ons opdrag bly dieselfde: Ons moet onsself ken indien ons geken wil word. Onsself liefhê, versorg, ons gesondheid respekteer. Hierdie is nie kennis van die Vals Self wat berus op fassinasie met die self of deur ‘n preokkupasie met die self verkry word nie. Dis nie die soort liefde wat die ego in die middelpunt plaas en ander dinge daaraan ondergeskik wil stel nie. Dis kennis van die Ware Self wat ons in staat stel om met groter gemak te sê wie die Ander is.

SO WAT IS MEDITASIE?
Meditasie is 'n manier om ons self te transformeer en te heel. Wanneer ons mediteer, dan laat ons toe dat die draaikolk van gedagtes en idees verstadig tot by die punt waar ons kalm en positief met onsself kan konnekteer. Alhoewel daar baie verskillende maniere is om te mediteer, leer alle style ons om ons aandag te verskuif en te her-konnekteer met dié gedeelte van jouself wat waar en eg is.

HOEKOM DIT NODIG IS OM TE MEDITEER
Ongelukkig gaan ons nie deur die lewe soos kinders nie. Ons almal kom moeilike en stresvolle situasies teë gedurende ons lewe. En in plaas van om elke dag vars te begin, neig ons om die wêreld en negatiewe dinge van die verlede saam te sleep. Die gelukkige tevrede persoon wat jy was word oorweldig deur hierdie emosies en skielik voel jy ongelukkig en ontevrede en omdat die proses so subtiel is, weet jy nie hoekom nie.

Meditasie is 'n manier om deur daardie lae van emosies van die verlede en oordrewe gedagtes te breek. In plaas daarvan dat ons gedagtes en liggame oorgelaat is aan die genade van die lewe, neem ons beheer. Ons fokus ons aandag op 'n bewustelike manier en sien dan stadig hoe die valse lae van onsself begin te verdwyn soos ons weereens terugkeer na die oorsprong van ons geluk.

Alhoewel meditasie oeroud is en terug dateer na duisende jare, bevestig moderne wetenskaplike ondersoek nou wat ou wysheid lank terug ontdek het. Studie na studie bewys dat meditasie persepsie verbeter asook fokus, geheue en kreatiwiteit. Mense wat gereeld mediteer is gesonder, gelukkiger, meer ontspanne en meer produktief.

DIE WARE DOEL VAN MEDITASIE
Die doel van meditasie is om die toestand van ons hart en gemoed te transformeer en ons terug te bring na onsself. Soos ons gesonder en gelukkiger word en meer selfbewus raak, begin meer voordele natuurlik te vloei — verbeterde verstandelike funksionering, verbeterde intuïsie asook beter toegang tot onbewustelike hulpmiddels en bekwaamhede.

.

Kies jouself - Selfsorg

If you have never been called a defiant, incorrigible, impossible woman… have faith. 

There is yet time. 

--Clarissa Pinkola Estes

 

’n Mens is so geneig om te dink dat dit selfsugtig is om op jouself en jou eie behoeftes te fokus. Maar as jyself nie vir jou sorg nie, gaan niemand anders dit vír jou doen nie! Ons is immers verantwoordelik vir ons eie lewe. Die meeste van ons voel skuldig as ons onsself die weelde van niksdoen of ten minste lekker dinge doen gun. Dag na dag word ons deur die ellelange doenlysies in ons lewe voorgesê. Maar soms is die produktiefste aktiwiteit wat jy kan doen om in ’n hangmat te lê en na die wolke te kyk. Dit voed jou menswees en is goed vir jou gesondheid! Ek glo in myself. 

Ander mense se opinies omtrent my is hulle verantwoordelikheid.
.

Ek word aangedryf deur passie.

Ek is presies waar ek moet wees.

Ek glo in my eie vermoë.

Ek glo aan leef en laat leef.

Ek is in beheer van my gedagtes.

Ek leef ongebonde en sonder vrees.

Ek vra nie om verskoning vir wie ek is nie.

Om myself eerste te stel is nie selfsugtig nie, dit gaan oor selfsorg.

Ek is 'n kind van die Heelal.

Vandag kies ek myself. 

::

Selfsorg - Emosionele Hulp

Wanneer jy die dag voor ’n probleem groter as jy self te staan kom, is dit tyd om vir hulp aan te klop. Die vraag is net, aan wie se deur?

Ek weet nie of dit 'n onlangse ding is nie of was dit nog altyd so en is dit nou net meer sigbaar oor die tegnologie van die internet... Ek praat van die feit dat driekwart, of nee, ek gaan sê 'n baie hoë persentasie, van ons vrouens sit met emosionele probleme - en die feit dat daar net nie hulp daar buite is nie.

Met 'hulp' bedoel ek psigoloë en hospitale wat net pille wil voorskryf en gladnie wil of kan uitkom by die oorsaak van die probleem nie. Hulle behandel net die simptome, maar om by die eintlike oorsaak uit te kom, blyk buite hulle veld van ekspertise te wees (en hiermee daag ek enige psigoloog uit om my van anders te oortuig!)

'n Vriendin se persoonlike ondervinding - 'n psigoloog se raad - "jy MOET DEFINITEIF SKEI" - ek dog hulle is veronderstel om nie eensydig te wees nie; dat 'n mens deur leiding en self-ondersoek self tot 'n besluit moet kom.

 'n Ma met 'n verslaafde 15-jarige se dilemma - geen hospitaal of inrigting sal die kind opneem vir behandeling sonder die kind se toestemming nie (wat hulle weining min bereid is om te doen) - en die ouer se hande is gebind.

'n Ander voorbeeld is waar 'n psigoloog reguit aan 'n vriendin erken het "ek kan jou nie help nie". Na 4 jaar het hy (die psigoloog) egter tot die besluit gekom dat sy Bipolar is en 'n jaar daarna dat sy nié Bipolar is nie ...

So waar kan ons emosionele hulp vandaan kom? Behalwe ons geloof los dit net vriendinne en die vele internet self-help programme wat deesdae beskikbaar is. En ook dan moet 'n mens maar versigtig wees en nie net alles vir die waarheid aanneem nie. Maar daar is wel hulp aan-lyn as mens gewillig is om jou kop te gebruik en net toe te pas wat vir jou goed voel.

Dan is daar ook die alternatiewe genesingshulp soos Reiki, meditasie en Sacro-Cranial-terapie. Sacro-Cranial-terapie word as sulks beskryf deur die Departement van Gesondheid van Australia :

'Sacrocranial is a non-invasive therapy, using light touch to assess the quality of your Cranial Rhythm. This can be compared to a normal rhythm, to assess the state of your body and determine how well it is functioning. Light contact is made with the cranial and spinal bones in order to restore the cranial rhythm, boost blood circulation and drain lymph and sinus fluids in the head. As the appropriate bones are held and gentle contact is made with the soft tissue, you may be asked to concentrate on releasing tension and breathing.

Benefits of Sacrocranial Therapy include:

• Resolution of trauma and head injuries from accidents
• Healing of childhood injuries relating to spine and head
• Helping with learning difficulties in children 
• Healing of sports and other injuries
• Healing of birthing trauma. e.g. forceps delivery
• Help break down scar tissue
• Relaxation of the mind and body
• Reduction of stress
• Relief of headaches and migraines

Ek vind ook dat die gewildheid van "Dagboek Netwerke" aansienlik gestyg het oor die afgelope tyd - 'n bewys dat een van die self-help terapieë wat baie goed werk, is die emosionele hulp, raad en bystand wat vriendinne kan voorsien en ook om sommer maar net te skryf en te praat.

Om jouself te help is bemagtiging op sy beste. Wees net eerlik met jouself. Soms verkry ons onbewustelik voordeel uit ’n probleem en dis wat maak dat probleme voort duur. Vra jouself: ‘Hoe graag wil ek hierdie probleem oplos?’ en ‘Wat kry ek uit die probleem?’

Met ander woorde, wat is jou 'pay-off?' Die oplossing moet groter en beter wees as jou huidige 'pay-off'.

Oorvloed vs Armoede

Het jy al ooit deelgeneem aan 'n resies, of vir 'n uitgestrekte periode voluit gewerk of 'n lang distansie geswem? Onthou jy hoe, kort na jy begin het, jy moeg begin voel het? Onthou jy hoe, voordat jy 'n lang distansie afgelê het, jy gedink het jy het jou uiteinde bereik? Maar onthou jy ook hoe, toe jy aangehou het, jy weer krag gekry het, jou moegheid verdwyn het, jou spiere geklop het met energie en jy letterlik 'n stormaanval van spoed en uithoudingsvermoë beleef het?

Binne in elke mens is magtige reserwes energie waarvan die normale individu nie bewus is nie. Meeste mense is soos die man wat sy motor in eerste rat bestuur, onbewus daarvan dat hy na 'n volgende rat kan verskuif en nie net alleenlik sy spoed kan vermeerder nie, maar ook meer krag kan bespaar.

Die Heelal voorsien mildelik. Daar is oorvloed vir almal. Maar net soos jy moes uithou en volhou om weer krag te kry, so moet jy streef na vervulling van oorvloed vanaf die Heelal.

Die wêreld behoort aan jou. Dit is jou eiendom. Dit voorsien nie alleenlik jou lewe nie, maar voorsien alles wat jy mag begeer. Maar jy moet aandring op hierdie dinge. Jy moet niks vrees nie, vir niks stop nie. Jy moet oorheers, nie ineenkrimp nie.

"Kyk hoe groei die blomme!" Die blomme, die voëls, alle kreasie, is alewig aktief. Die blomme en bome in hulle groei, die voëls en wilde diere in hul nesmaak en soektog vir kos, alewig besig maar nooit bekommerd nie. Jy weet jy benodig hierdie dinge en alles sal voorsien word.

As almal sal ooreenkom om op te hou bekommer - om vlytig te wees, maar nooit angstig oor die uitslag nie - sal dit die begin van 'n nuwe era wees in menslike vooruitgang, 'n tydperk van bevryding en verlossing van gebondenheid.

Waarom is dit dan dat soveel miljoene mense deur die lewe gaan in armoede en ellende, siekte en wanhoop? Hoekom? Hoofsaaklik omdat hulle 'n realiteit maak van armoede deur die vrees daarvan. Hulle visualiseer armoede, ellende en siekte, hulle praat oor armoede en gevolglik bring hulle dit tot verwerkliking.

Die kern van die Wet is dat jy moet oorvloed dink, jy moet oorvloed sien, jy moet oorvloed voel, jy moet oorvloed glo. Moet gladnie aan beperking dink nie. Daar is geen wettige of regmatige begeerte van jou waarvoor, sover dit jou gedagtes aangaan, daar nie oorvloedige vervulling is nie.

En as jy dit in jou gedagtes kan visualiseer, kan jy dit 'n realiteit maak in jou daaglikse lewe.

.